Waar klein harte groot drome ontdek

Durbanville

Liefie-Lyfies Speelskool is ‘n klein, Christelike huis skooltjie geleë in Durbanville Hills. Ons bied ‘n klein, veilige omgewing waar sosiale, emosionele en kreatiewe ontwikkeling bevorder word. Deur ‘n vertikale leer-benadering te volg kan groot en klein maats hand aan hand saam speel, leer en groei.

Praat met ons:
jennifer@liefielyfies.co.za

Jennifer

Eienaar/Prinsipaal

Lynette

Juffrou

Unathi

Klasassistent

Kontak Ons

Belangrike Datums

Weeklikse Aktiwiteite

Kinders neem daagliks deel aan ’n verskeidenheid gestruktureerde en vrye leeraktiwiteite, insluitend taal-, wiskunde-, fynmotoriese, sensoriese, kuns- en praktiese vaardighede. Die program volg weeklikse temas met ’n fokus op ’n spesifieke letter/klank, kleur, vorm en nommer. Ons benadering is gedeeltelik gegrond op Montessori-beginsels, waar kinders daagliks vir ’n vasgestelde tyd hul eie aktiwiteite kan kies vanuit verskillende leerareas.

Die skool bied die volgende buitemuurse aktiwiteite aan:

Wiggle & Jam (musiek)
Little Leaders (emosionele ontwikkeling)
Kiddi K (holistiese motoriese ontwikkeling)

Vir 5-dag maats is hierdie programme by die skoolfonds ingesluit.

Bykomende programme, Dancemouse (Donderdae) en Rugga-Roots (Vrydae), word teen ouers se eie koste aangebied.

Meer Oor Ons

Die speelskool se totale kapasiteit is 26 kinders, tussen die ouderdomme van 18 maande – 5 jaar. Ons volg die ‘vertical learning’ beginsel, wat gebaseer is op die natuurlike verskil in ouderdomme in ‘n gesin. Alhoewel die kinders dus in ouderdomsverband sit, en apparaat ouderdomsgepas aangebied word, word meeste aktiwiteite soos sing en Bybel-lees in ‘n totale groep gedoen.

Geloof

Ons is ‘n Christelike speelskool, en ons Bybel-les en verhouding met God is 'n integrale deel van die skool.

Veiligheid

Die skool is toegerus met 'n toegangs-beheerde interkomstelsel en alarmstelsel, en die personeel het noodhulp-opleiding. Die alarm is gekoppel met CNI wat gereelde patrollies doen.

Etes

Ons bied ‘n gebalanseerde middagete aan wat volgens ons skool se behoeftes aangepas en afgewissel word.

Buite Spel

Kinders leer deur te speel, en waar beter as buite in die koelte! Buite-spel vind daagliks plaas, in ons skadu-ryke speelplek wat spog met 'n fietsbaan, sandput, klimraam en swaaie.

Skoolfooie

1. Halfdag

R 3625.00/ per maand

07:15 tot 12:45
Ideaal vir ouers wat buigsame werksure het, tuis werk, of hul kind net aan ’n oggendroetine wil blootstel.

2. Middag

R 4000.00/ per maand

07:15 tot 15:00
Hierdie opsie is ideaal vir ouers wat deeltyds werk of wie se dag eers in die vroeë middag eindig.
Dit gee kinders genoeg tyd om nie net aan die oggend se aktiwiteite deel te neem nie, maar ook om na middagete te rus, sosiaal te speel en aan gestruktureerde middag-aktiwiteite deel te neem.

3. Voldag

R 4200.00/ per maand

07:15 tot 17:00
Beste vir voltydse werkende ouers wat betroubare sorg vir die hele dag nodig het en laatmiddag-afhaal verkies.

Kontak ons gerus vir 2 of 3 dag opsies

jennifer@liefielyfies.co.za